Charla- coloquio o xoves ás 18.30

Se onte facíamos referencia á presentación do Campus da Fundación Celta de Vigo que hoxe terá lugar nas instalacións deportivas do colexio de Lourdes, hoxe toca falar da charla- coloquio que mañán xoves ás 18.30 no Pavillón Municipal Coto Ferreiro levarán a cabo 2 dos xogadores do Xacobeo Autos Lobelle FS da División de Honra do Fútbol Sala Nacional: Alemao e Pola.

Ambos aproveitarán a ocasión para falar ós nosos rapaces das vantaxes de practicar deporte dende a infancia e farán todo tipo de agasallos ós integrantes da ESCOLA DE FÚTBOL DO CALLOBRE, incluido o sorteo dalgunha entrada para asistir ó primeiro partido do Playoff polo título que este venres enfrontará ó seu equipo co F.C. BARCELONA.


Unha gran oportunidade para coñecer de cerca a 2 dos referentes do fútbol sala nacional.