Victorias dos equipos benxamíns antes do parón ligueiro polas vacacións de Semana Santa.
O equipo A conseguiu a súá terceira victoria consecutiva logo de vencer ó Silleda por un claro 5-1.
David, cun hattrick, Adrián e Xandre fixeron os tantos do encontro no que os nosos fixeron unha moi boa primeira parte, tentando mover o balón en todo momento e sen que Jonathan tivera que apenas intervir. Pero a falta de acerto impediu conseguir o gol con anterioridade tendo que esperar ata o minuto 15 do primeiro periodo. No descanso, sen embargo, a cousa xa estaba encarrilada (3-0).
Baixaron os nosos na 2ª metade na que as cousas non saían coma antes. O Silleda facía o seu tanto da honra pero finalmente os rapaces voltaban a poñer terra de por medio(5-1).
Callobre c.f.: Jonathan, Xandre, Manu, Angel, David, Adrián, Iván, Anxo e Nogui.
O equipo B conseguía vencer ó Cruces nun partido moi igualado que finalmente caeu do noso lado.
Durante a primeira metade tanto un equipo como outro non dispuxeron de ocasións moi claras e o partido transcorría con tranquilidade para o noso porteiro, Alex, e o cancerbeiro cruceño.
Tras o descanso o Cruces conseguía adiantarse pero nada máis sacar Alberto facía o tanto do empate. M.Anxo cunha gran xogada daba a volta ó marcador facendo o 2-1 definitivo.
Pero durante os últimos minutos houbo que sufrir cun desconto desproporcionado nas categorías nas que nos atopamos.
Callobre c.f.: Alex, Sergio, Iván, Alejandro, Miluco, M.Anxo, Pedro, Paulo, José e Alberto.
