Empezaba mal o encontro cando o Silleda conseguía adiantarse ós 40 segundos de xogo nun erro da defensa, o único de todo o encontro. Durante os primeiros 5 minutos non parecía que os nosos rapaces tiveran un bo día pero a partir de ahí cambiaron as cousas pasando a dominar por enteiro o balón e ó rival, facendo sen dúbida os 20 minutos máis completos de toda a tempada. Sen embargo, ó descanso o marcador seguía a ser desfavorable. Adrián, moi activo todo o partido, tivo as nosas ocasións máis claras.
Continuaba igual a segunda metade pero por fin chegaron os goles, obra de Adrián e David, dando a volta ó resultado e facendo xustiza ó que se estaba a ver no campo. Pero non houbo sentencia e as ocasións marradas por Adrián, cun tiro ó longueiro,Nogui ou David deron vida ó equipo silledense que presionou durante os últimos 5 minutos.Destacar o partido de Manu, que chegaba co tempo xusto despois de participar no campeonato de cross interprovincial, e de Xandre, que vai a máis cada semana que pasa.
Callobre c.f.: Jonathan, Angel, Iván, Manu, David, Adrián, Xandre e Nogui.