Primeiro partido de liga dos xuvenís e primeira victoria.
O Val do Ulla foi o primeiro equipo ao que os de Dani se enfrentaron e a pesar do pouco toque de balón e da pouca fluidez á hora de circular a pelota, sacaron o partido adiante. Cabe resaltar a única ocasión dos visitantes que o porteiro locar, Marcos, soubo rexeitar cunha boa parada.
Os de San Martiño dominaban o encontro e arredor do minuto 75, Jacobo marcaba o tanto que daría a victoria dende 40 metros a fallo do cancerbeiro visitante. Algunha ocasión illada de Martín e Alex foron das poucas aproximacións ás porterías, pero a falta de gol é un problema que se debe solucionar. Estáse a comezar, e a pesar das ausencias importantes dalgúns xogadores de 3º ano, como son Esteban, Jorge, Portillo ou Japirro, lévase un bo camiño cara o obxectivo que se leva perseguindo durante uns anos, que é o ascenso á primeira autonómica.
