Derrota do equipo senior diante do Camporrapado nun partido que tiñamos gañado pero que acabamos perdendo por 3-2.
Moitos balóns largos ó inicio do choque por parte de ambos equipos pero con maior sensación de perigo pola nosa banda marcaron os primeiros minutos ata que Adrián, á saída dunha falta, poñía en vantaxe ós nosos. Piraña, ó pouco de comezar a segunda metade, facía o segundo e parecía que o partido quedaba máis que encarrilado.
Pero non foi así, un máis que dudoso penaltie permitía o equipo coruñés acurtar distancias mentres que ós nosos comezaban a perder a cara ó partido. Así entre o desconcerto e o nerviosismo chegaba o empate local e cando o encontro remataba o Camporrapado daba a volta ó marcador e levaba os 3 puntos.
Callobre c.f.: Marcos, Rubén, Dani, Tito, Adrián, Esteban, Vila, Kike, Piraña, Iago e Esteban II.
Tamén xogaron: Marcos, Xoan, Jorge, Iván.
