CALLOBRE CLUB DE FÚTBOL

Nova páxina web

2011-03-13T19:24:00.004+01:00

Querémosvos informar de que temos unha nova páxina web.Moitos máis contidos, mellor diseño e a información puntual de tódolos equipos co cal a partir de agora xa non utilizaremos máis este blog que permanecerá aberto para que todos podades seguir vendo os seus contidos.

Esperámosvos na nova dirección:

www.callobrecf.es

2011-03-12T18:33:00.002+01:00

Xuvenil.
Callobre c.f. - S.Mamede (4-2; Miguel, Alex, Jorge e Xurxo)

Infantil.
Milladoiro - Callobre c.f. (2-4; David M. (2), Calvelo e Lexis)

Benxamín.
Callobre B - Cruces (1-3; Dani)
Callobre C - Sp. Estrada B (3-2; Mario (2) e Anxo)
EF Lalín B - Callobre A (0-6; Adrián (3), Miluco, Iván e p.p.)

O equipo Benxamín proclámase campión do seu grupo logo de vencer en Lalín.

Benxamín campión!!!

2011-03-12T14:02:00.002+01:00

O equipo benxamín campión de liga!!!

Xuvenil

2011-03-11T09:47:00.000+01:00

Nova victoria do equipo xuvenil que esta vez superou ó Cruces no sempre difícil campo do Camballón. Partido moi serio dos nosos rapaces que fixeron boa a súa superioridade e aproveitaron as súas ocasións por medio de Xurxo, Tosar e Berto.
Con estos 3 puntos os rapaces de Dani colócanse como colíderes do grupo e cunha renta importante cos perseguidores.
Agora hai que seguir nesta liña e esperar ós enfrontamentos directos que decidirán os postos altos da clasificación.

Cadetes

2011-03-10T23:28:00.002+01:00

Empate do equipo cadete diante do Campus Stellae nun encontro marcado pola actuación arbitral.
Fixeron os nosos un partido moi completo, con moita intensidade e actitude conseguindo poñerse por diante gracias a un bo gol de Brais.
Pero pouco a pouco o conxunto santiagués ía encerrando ós nosos para finalmente acadar o empate á saída dun corner nunha clara falta non sinalada.
A salientar o debut no portería de Adrián, porteiro infantil, que fixo un moi bo papel.

TORNEO INTERNACIONAL DA EF LALÍN

2011-03-09T15:10:00.002+01:00

Xa está en marcha o torneo internacional da EF Lalín que o ano pasado reunía na capital do Deza ós mellores equipos nacionais e algún internacional.
Pois ben este ano o Callobre c.f. participará na fase previa que dará dereito a 2 equipos a participar en dito torneo. Pero o nivel é moi, moi alto...

Sen dúbida, un bo premio para os nosos rapaces.
Agora é turno dos adestradores de elexir ós xogadores que nos representarán e que sairán de entre os infantiles de 1º ano e alevíns. A esforzarse e comportarse ben para ter opcións.

Aquí deixamos o publicado pola EF Lalín.
http://www.eflalin.com/index.php?option=com_content&view=article&id=345:ii-torneo-internacional-ef-lalin

Benxamín.

2011-03-09T10:01:00.003+01:00

Derrota do benxamín B diante do primeiro equipo do Silleda.
A pesar do resultado final de 6-0 os rapaces de Iago fixeron unha moi boa primeira metade na que incluso puideron marchar con vantaxe no marcador. Vitor, en varias ocasións e Pablo puideron adiantar ós nosos pero foi o Silleda o que nunha xogada desgraciada se adiantaba no marcador para chegar 1-0 ó descanso.
Na segunda metade non houbo cor e o conxunto silledense foi moi superior.
Destacar o debut de Brais, porteiro prebenxamín, ante a baixa de Sergio na portería. Un 10 para el.

E no derbi disputado en San Martiño impúxose o equipo A por un resultado de 6-2. Puxeron empeño e gañas os rapaces de Xoel e Edu e complicaron a vida ó equipo A durante moito tempo pero finalmente o acerto de cara a porta de Alberto foi determinante permitindo o equipo A seguir de líder. De novo Anxo foi o encargado de anotar para os rapaces do C.Temporada espectacular a de este rapaz que mellora cada día que pasa.

Este sábado chega a primeira oportunidade dos nosos pequenos de facerse co título ligueiro. A derrota da EF Lalín e o empate do Sporting Estrada a semana pasada deixaos a unha diferencia de 7 e 10 puntos respectivamente cando quedan 9 en xogo. Pero ollo porque o rival, a EF Lalín B, está a facer grandes encontros na segunda volta. Moita sorte e a facer o último esforzo.

Alevín

2011-03-09T09:48:00.002+01:00

Victoria pola mínima dos rapaces de Neira diante do Sp. Estrada B.
Puideron os nosos rapaces ter un marcador a favor moito máis amplo pero de novo os erros de cara á portería contraria puideron acabar pasando factura aínda que Champi, cun doblete, conseguiu poñer as cousas no seu sitio.
Pero o Sporting non tirou o partido en ningún momento e a base de loita puxeron en apuros ós nosos alevíns.
Finalmente 2-1 para nós e agora xornada de descanso antes de afrontar a última fase ligueira co 5º posto a só 5 puntos.

Máis fotos.

2011-03-07T16:01:00.000+01:00

Xa podedes ver o plantel infantil no apartado de fotos 2010-2011.

Infantil

2011-03-07T15:55:00.002+01:00

Cómoda victoria conseguida polos nosos infantiles este sábado pasado en San Martiño ante o Cordeiro.
Xa dende o pitido inicial dominamos o partido, o cal se xogaba practicamente no campo contrario. Fruto de ese dominio foron chegando os goles por medio de Rafa que abría o marcador cun gol de cabeza. Pouco despois chegaban dous goles máis seguidos, anotados neste caso por Carballo, a quen esta semana Guille colocaba como dianteiro para sorprendernos a todos nesa nova demarcación. Minutos despois anota José o seu gol de rigor que supón o número 50 no seu haber en esta tempada, para marcharnos ó descanso do partido con 4 a 0.
A segunda parte sigue tendo a mesma constancia e dominio dos nosos que nos aportan outros tres goles máis, un por medio de Rafa de un lanzamento maxistral de córner, e como non Davíd Macía que anotou tamén por partida doble, para cerrar o partido co definitivo 7 a 0.
Agora, o que nos queda é traballar arreo esta semana para o sábado rendir visita ó líder Milladoiro na procura dos tres puntos en xogo. De seguro que si poñedes todo o empeño e saber que tendes, esos tres puntos nos acompañarán no viaxe de volta para Callobre.

Senior

2011-03-07T10:03:00.000+01:00

Partido xogado en Touro contra o Prevediños nunha tarde primaveral que invitaba a disfrutar do futbol.

O dominio do balón e do xogo foi do Callobre, que disfrutou de múltiples ocasións de gol, pero que no primeiro tempo solo materializou un tanto no minuto 10 por medio de Emilio.

No comenzo da segunda parte, o Prevediños saeu a buscar a igualada no marcador, apretando arriba, pero foi cousa de poucos minutos, pois novamente o Callobre tomou as rendas do xogo e volcouse na area rival unha e outra vez, ata que logrou o premio despois de que Barreiro aloxase no fondo da rede un rechace do porteiro a un tiro de Sergi.

Cando xa se cumplia o tempo, eles acurtaban a vantaxe logrando un gol, pero ainda no desconto o seu porteiro luceuse unha vez máis nun man a man con Sergi, e Emilio lograba o definitivo 1 - 3 xa sobre o pitido final.

Partido moi limpo por ambos equipos, sen tarxetas nin xogo violento. Este marcador da fe da mala punteria dos xogadores do Callobre, pois por ocasións creadas, o resultado poido ser de escándalo.

Tamén reseñar a gran aportación que fixeron os 5 xuvenis que participaron no partido, debido as numerosas baixas por lesión, amonestación ou motivos persoais que tiña o plantel de David. Esto deixa claro que temos boa canteira e podemos mirar o futuro con ilusión e optimismo.

Resultados fin de semana

2011-03-04T21:27:00.003+01:00

Senior.
Prevediños - Callobre c.f. (1-3)

Xuvenil.
Cruces - Callobre c.f. (1-3; Xurxo, Tosar e Berto)

Infantil.
Callobre c.f. - Cordeiro (7-0; Rafa (2), Carballo (2), David M. (2) e José)

Alevín.
Callobre c.f - Sp. Estrada B (2-1; Champi os 2)

Benxamín.
Callobre A - Callobre C (6-2; Alberto (3), Miluco, Gus e Iván // Anxo,os 2)
Silleda A - Callobre B (6-0)

Fotos.

2011-03-04T10:09:00.001+01:00

Contiuamos coa publicación das fotos. Hoxe turno do equipo benxamín C.

Benxamín.

2011-03-03T23:02:00.002+01:00

Derrota do equipo C diante do segundo clasificado, a EF Lalín (3-8).
Bo partido dos rapaces de Xoel e Edu que tiveron opcións durante boa parte do encontro pero na que acabou decidindo o bo facer lalinense diante da portería de Alex. Anxo, cun doblete, e Jairo fixeron os tantos dos nosos. Sen dúbida un partido dos que gusta ver o disputado polos 2 equipos.

O equipo de Iago venceu 2-1 o Sp. Estrada B pero non foi, nin moito menos, o mellor partido dos pequenos de 1º ano, moita imprecisión e moito individualismo cando e xustamento o contrario ó que nos teñen acostumados. David e Vitor foron os goleadores.

Por último o equipo A vencía 2-4 en Touro cuns 15 primeiros minutos moi bos dos rapaces que xa deixaron sentenciado o choque(0-4 con goles de Alberto, Xandre, Nico e Miluco). Pero a partir de ahí deixamos de facer as cousas coma sempre, desapareceron as gañas e apareceron as florituras...algo que non nos gusta. Están a facer os rapaces unha tempada espectacular pero non pode haber confianzas e moito menos pensar que gañaremos os partidos sen correr ou sen poñer gañas porque entón todo o feito servirá de pouco. A voltar a ser os mesmos de antes...

Cadetes

2011-03-03T22:45:00.003+01:00

Victoria do equipo cadete na visita ó Inmaculada de Santiago.

Empezaron os nosos faltos de tensión, dando o partido por gañado ante a falta de efectivos do equipo local que empezou o partido con só 10 xogadores. E así foi o Inmaculada o que colleu vantaxe no marcador.

A partir de ahí os rapaces de Patxi decidiron poñerse as pilas, apretaron e venceron con comodidade con goles de Brais, Rubén, Fon, Yeiner (que debutaba e apuntou moi boas maneiras) e do infantil David Macía.

Horarios dos partidos benxamíns

2011-03-03T10:35:00.002+01:00

Cambios nos horarios dos equipos benxamíns:

O derbi entre os equipos A e C disputaráse o venres ás 19.00 horas. Así que todos no campo ás 18.30 (como se houbera adestramento normal) coa roupa de xogar.

O equipo B,pola súa banda, xogará en Silleda o sábado ás 15.30 horas, manténdose o adestramento como tódolos venres.

Alevín

2011-03-03T10:23:00.002+01:00

Nova victoria dos rapaces de Neira que venceron na visita ó campo de Figueroa.

Non resultou un partido sinxelo,as múltiples ocasións erradas e o impetú local complicaron o encontro pero Champi, David e Martín encargáronse de poñer as cousas no seu sitio para rematar vencendo por 2-3.

Seguen os nosos afianzados na sexta posición e facendo bo fútbol.

Xuvenil

2011-03-02T00:04:00.002+01:00

Segue con paso firme o equipo xuvenil que nesta semana vencía por 4-0 ó Furia At.
Rapidamente se puxeron as cousas de cara para os nosos que cun gol de David xusto ó comezar o encontro puideron afrontar o resto dos minutos con maior tranquilidade.
Xurxo, nunha boa contra, Portillo e Carlos fixeron o resto dos tantos nun partido no que Marcos só tivo que intervir nunha ocasión na que sacou unha gran man.

Este sábado partido en Cruces co obxetivo de non dar opción ós de atrás de recurtar puntos.

Infantil

2011-03-01T22:14:00.000+01:00

Se nos guiamos polo resultado final acadado polos nosos infantiles vemos que foi un partido con pouca historia o disputado este sábado en Cacheiras ante o equipo local.

Dende os primeiros compases veuse plasmado no xogo a diferencia existente na clasificación entre os dous equipos. Os nosos levan o dominio e as ocasións acadando o primeiro gol Rafa dun gran disparo cando traspasabamos o ecuador da primeira parte, para minutos despois conseguir David Macía o segundo co que nos iamos ó descanso.

A segunda parte segue amosándonos a mesma tónica de xogo e dominio para o Callobre, dominio que nos trae outros tres goles máis por medio de Pedro, José e David Macía, chegando ó final do partido co resultado coñecido de 0 a 5 para os nosos.

Senior

2011-02-28T23:13:00.000+01:00

Derbi xogado en San Martiño entre Callobre e Tabeirós. Adiantouse no marcador o equipo visitante cun gol conseguido en xogada persoal de Toni. O Callobre non lle perdeu a cara ó partido e buscou o empate, que acabou conseguindo logo de materializar Quique un penaltie cometido sobre Esteban.

Chegamos ó descanso con ese resultado. No segundo tempo o Tabeirós saeu en tromba para sentenciar o partido, pero a defensa, Manu e os paos da porteria impediron que marcaran. O Callobre foi botándose arriba tamén para buscar o gol, pero a dureza empleada en ocasións polos visitantes, especialmente con Esteban, desbarataba ese obxetivo.

A medida que pasaban os minutos, o Tabeirós ía perdendo folgos, e no minuto 80 quedaba con 10 logo da expulsión dun xogador, froito da dureza no xogo xa comentada.

Pese a algunhas xogadas de perigo en ambas áreas, o marcador non se moveu e chegamos ó pitido final co resultado de empate a 1 gol.

Resultados fin de semana

2011-02-26T15:12:00.004+01:00

Senior.
Callobre c.f. - Tabeirós (1-1; Kike)

Xuvenil
Callobre c.f. - At. Furia (4-0; David T., Xurxo, Portillo e Carlos)

Cadete.
Inmaculada - Callobre c.f. (2-6)

Infantil.
Cacheiras B - Callobre c.f. (0-5; David(2), José, Rafa e Pedro)

Alevín.
Sp. Estrada - Callobre c.f.(2-3)

Benxamín.
Callobre C - EF Lalín A (2-8)
Callobre B - Sp.Estrada B (2-1)
Touro - Callobre A (2-4; Alberto, Xandre, Miluco e Nico)

Prebenxamín.
Cacheiras - Callobre c.f. (4-4)

Máis fotos.

2011-02-25T16:21:00.004+01:00

Xa podedes ir vendo as novas fotos desta tempada no apartado "FOTOS 2010-2011".
Hoxe foi o turno dos alevíns como antes lle tocara ós benxamíns A e B e os senior.

Pouco a pouco irán aparecendo o resto.

Resultados Prebenxamíns.

2011-02-24T15:15:00.001+01:00

Prebenxamín
PB 2º ANO: AD Burgo - Callobre c.f. (2-5)
PB 1º ANO: La Salle - Callobre c.f. (4-0)

Horario Xuvenil, Infantil e Benxamín.

2011-02-23T15:02:00.003+01:00

Cambio de horario nos partidos benxamín, infantil e xuvenil do sábado:

BENXAMÍN:
Callobre C - EF Lalín A ás 11.00 horas.
Callobre B - Sp. Estrada B ás 12.30 horas.

XUVENIL:
Callobre c.f. - Furia At.ás 17.15 horas.

INFANTIL
Cacheiras B - Callobre c.f. ás 10.30 na Cañoteira.

RESUMEN DO QUE VAI DE TEMPADA

2011-02-23T00:32:00.000+01:00

Achégase a parte final da competición para todos los equipos e toca facer balance das distintas categorías do noso clube.Un pequeno repaso á campaña de cada un dos equipos.

Senior:
O equipo adestrado por David continúa a pagar a xuventude do plantel e non consigue arrancar no seu grupo de 3ª Autonómica. Pese a todo trátase dun equipo que cando perde ou gaña suele ser pola mínima polo que creemos cun chisco máis de sorte ante os rivais fortes e con algo máis de puntería contra os máis débiles poderiamos falar dun conxunto situado na parte media alta da clasificación.

Séptimo na clasificación despois de 20 partidos disputados, 5 partidos gañados, 3 empatados e 12 perdidos. 24 goles a favor e 30 en contra e 18 puntos.

Xuvenil:
O equipo xuvenil, segundo clasificación a 4 puntos do líder, está metido de cheo na loita polo campionato ligueiro.Tras un inicio de campaña espectacular sen coñecer a derrota os rapaces de Dani sufriron un pequeno bache que foi superado rapidamente coa recuperación de algún dos rapaces de 3º ano. Trátase dun equipo moi novo cun único aspecto negativo a falta de gol (21 en 17 partidos), ocasións creanse pero o balón parece que non quere entrar.Polo contrario son poucos os goles que reciben, non chegan a un por partido (14).

Cadete:
Os rapaces de Patxi son un equipo de rachas, tanto encadean unha xeira de resultados positivos como non conseguen voltar á senda da victoria. Aínda así están afincados na parte media alta da táboa(séxto clasificado con 7 victorias, 3 empates e 7 derrotas) e seguen loitando por escalar postos. Temporada espectacular a de Fon que se está a destapar como un gran goleador.

Infantil:
Outro dos equipos que loita polos postos altos da clasificación. Os rapaces de Guille amosan cada fin de semana o seu potencial nunha liga moi disputada na que ata 5 equipos teñen posibilidades de acabar arriba. Terceiros na clasificación a 6 puntos do líder, bótanse en falta os 3 puntos perdidos fai agora unha volta co Ames na casa. Aínda así serán os enfrontamentos directos entre uns e outros os que determinen o posto de cada un.
Mención aparte merece José que con 48 goles amosa as súas condicións en tódolos campos.

Alevín:
Os rapaces de Neira están a amosar moi boas maneiras no que vai de tempada pero a falta de acerto ante a portería contraria está a pasar factura(sexto clasificado con 30 puntos). Ademáis dos 19 nenos que agora mesmo adestran con nós moitos de eles compiten por primeira vez polo que á hora de enfrentarse a rapaces que xa levan ata 4 anos competindo (ou máis) hai bastantes diferenzas. Pero trátase dun grupo con moito futuro e no que está a destacar un pouco por encima do resto o porteiro Rubén quen parece multiplicarse ás veces para sacar mans e pés imposibles.

Benxamín
Os equipos benxamíns continúan coa súa progresión.
Os rapaces de segundo ano do equipo A lideran a clasificación con 4 e 8 puntos sobre a EF Lalín e o Sporting que estos anos pasados mandaban na categoría. Gusto polo bo trato ó balón, fútbol combinativo e moita ilusión son as bases do conxunto adestrado por Pacheco que ten en Alberto á reencarnación do recén retirado Ronaldo... O único pero a boa tempada feita ata agora é a derrota en Lalín onde saímos durmidos e cando despertamos foi demasiado tarde.
O equipo B (adestrado por Iago), todo de primeiro ano salvo Sergi o porteiro, está deixando moi boas sensacións.Rápidos, técnicos e, o máis sorprendente, moi guerrilleiros sen dar un partido nin un balón por perdido. Gañan encontros e compiten cos maiores como se tal cousa. Un 10 para eles. E ollo porque rapaces coa clase de Pablo ou a rapidez de Vitor non hai moitos por ahí diante.
O equipo C quizáis sexa o que está a pagar máis a novatada. Moitos dos rapaces compiten por primeira vez (ata 6) e iso nótase. Pero seguen na loita na zona media, con Anxo facendo goles tódalas xornadas e aproveitando os rapaces de primeiro ano para ir coñecéndose e competir pensando no ano que vén. Sen dúbida unha aposta arriesgada a de facer 3 equipos pero que estamos seguros que dará os seus froitos de aquí a pouco tempo.
Un 10 para os 3 conxuntos que adestran todos xuntos, formando un gran grupo ó que da gusto ver adestrar.

Benxamín.

2011-02-23T00:19:00.003+01:00

Victoria do equipo A sobre o B por un resultado de 6-2.
Moi mal tempo e peor terreo de xogo para un partido no que o equipo de Iago aguantou durante 15 minutos ó empuxe dos rapaces de segundo ano.
Pero apareceu Alberto que a base de forza e remate solventou o partido en 20 minutos. Aínda así os nenos do B seguiron loitando e conseguiron chegar a ir empatados 1-1 pero ó final impúxose a lóxica e o equipo A continúa líder e mantendo a vantaxe.

O equipo C conseguía derrotar no M.A.Cortizo á EF Lalín B por un tanteo de 1-2.Anxo e Mauro fixeron de goleadores nun encontro marcado pola ausencia de Alex na portería. Pero tódolos rapaces do equipo fixeron un partido moi completo e levaron os 3 puntos da visita a Lalín.
Agradecer dende aquí as facilidades dadas polos adestradores e coordinador da categoría benxamín da EF Lalín ó noso clube. Moito temos que aprender o resto de equipos...

Xuvenil

2011-02-22T13:47:00.004+01:00

Nova victoria do equipo xuvenil que segue metido na loita polo campionato ligueiro.
Foi o do sábado un partido moi igualado no que os rapaces de Dani voltaron a amosar moita seriedade defensiva pero tamén a falta de gol que tanto nos está a pesar na competición.
Desta vez foi Xurxo, cando só restaban 10 minutos de partido, o que puxo en vantaxe ós nosos para conseguir un novo triunfo que nos coloca segundos cun pequeno colchón de puntos respecto os que nos perseguen na clasificación.

Por certo que toca reprimenda para os xogadores do equipo xuvenil polo acontecido na semana pasada diante do Dodro. Entendemos que hai tensión, nervos e moitas pulsacións pero nada de isto xustifica o ocorrido, por iso pedimos un pouco de cabeza primeiro por vós mesmos e despois polo clube. Consideramos esto como un erro puntual, algo aillado no comportamento dos rapaces pero que, loxicamente, non voltaremos a tolerar.

A xogar ó fútbol que é do que se trata.

Alevín

2011-02-22T10:03:00.003+01:00

Victoria do equipo alevín diante da EF Lalín D.
Bo partido dos rapaces de Neira que se amosaron moi superiores ó equipo lalinense, facendo por fases un bo xogo combinativo e no que os nosos porteiros non tiveron moito traballo.
Mera e David por partida doble, Champi, Xavi e Nacho, cunha fermosa volea, foron os goleadores do encontro.

Lástima dun pouquiño máis de regularidade dos rapaces que teñen moito fútbol e que pouco a pouco van mellorando.
Este martes adestramento como sempre e despois a tomar uns pinchos que ben merecidos os teñen.

Infantil

2011-02-22T09:59:00.002+01:00

O Domingo disputaron os nosos infantiles un partido moi completo ante o Ames, equipo moi rocoso e ben conxuntado que se atopa situado no noveno posto da clasificación, pero moi enganoso, pois é un equipo moi competitivo con bos xogadores. Saímos ó partido moi concentrados, xogo alterno de lado a lado, pero seríamos nós quén de adiantamos no marcador por medio de David Macía que dun gran disparo por alto batía ó meta contrario.

Minutos despois consiguen eles o empate no marcador con un disparo cruzado, para a continuación conseguir José un gran gol despois de percorrer máis de medio campo e regateando a todos e cada un dos rivais que ó paso lle foron saíndo.

Na segunda parte segue a mesma tónica de xogo, eles indo cada vez máis arriba e os nosos defendéndose das embestidas. Minutos inacabables e de infarto os últimos vividos ate que o árbitro pitou o final do mesmo, momento no que todos deixamos de conter a respiración.

Senior

2011-02-21T14:27:00.002+01:00

Partido xogado en Silleda polo mal estado do campo do Bandeira.

No primeiro tempo, sen un dominador claro do xogo, con constantes alternativas para ambos bandos, o Bandeira consigueu rentabilizar mellor as suas ocasións, materializando en goles dous erros defensivos nosos, mentras o Callobre dispoñia de mais ocasións pero sen lograr o premio do gol, chegando incluso a marrar un penaltie e o posterior rexeite...

Nada máis empezar o segundo tempo, eles conseguian anotar outro gol, poñendo o marcador en 3-0.

O Callobre entón botouse arriba, arriscando máis en defensa pero creando ocasións, o que fixo que Toño anotara o 3-1 rematando un rexeite do porteiro local.
Co dominio do xogo seguían chegando ocasións, algunhas moi claras que non foron capaces de facer chegar o balón ó fondo da rede por moi pouco.
Xa no tempo de desconto, chegaba o 3-2 definitivo por obra de Barreiro.

Faltou esa pincelada de sorte que a veces fai falla, pero esforzo e sacrificio non se escatimaron polos nosos xogadores.

Resultados fin de semana

2011-02-19T11:28:00.003+01:00

Senior.
Bandeira - Callobre c.f. (3-2)

Xuvenil.
Milladoiro - Callobre c.f. (0-1; Xurxo)

Infantil
Ames - Callobre c.f. (1-2; José e David)

Alevín.
Callobre c.f. - EF Lalín D (7-1; Mera(2), David (2), Nacho, Champi e Xavi)

Benxamín.
Callobre A - Callobre B (6-2; Alberto (4), Nico e M.Anxo /// Vitor e p.p)
EF Lalín B - Callobre C (1-2; Anxo e Mauro)

Benxamín.

2011-02-17T09:47:00.003+01:00

Caeron derrotados na casa os equipos B e C dos nosos benxamíns.
O equipo B recibía á EF Lalín A e pese a aguantar durante toda a primeira metade, os lalinenses foron moi superiores nos segundos 25 minutos e levaron os 3 puntos. Vitor foi o autor dos 2 goles por parte dos rapaces de Iago.

O equipo C caía tamén diante do Silleda B. Mal día dos nosos rapaces que empezan os partidos moi fortes e con gañas pero que acostuman a baixar os brazos cando o contrario lles fai algún tanto.Anxo foi a autor do tanto local.

E o equipo A daba un importante paso ó vencer por 1-3 o Sp.Estrada. Saíron moi nerviosos os 2 conxuntos ó campo pero pouco a pouco os nosos foron facéndose co balón e amosando as claves deste equipo, posesión e entrada por banda. Así chegou o primeiro gol cando M. Anxo, de volea, remataba unha notable xogada de todo o equipo. Apenas si pasamos apuros pero nun tiro moi lonxano que lle pasaba a Jonathan por debaixo o Sporting acadaba o empate.
Nos primeiros 10 minutos da reanudación os nosos deixaban o partido encarrilado cun tanto de Alberto e outro de M.Anxo tras outra boa xogada. Puideron Miluco, Alberto ou M. Anxo sentenciar sen embargo o resultado non se movería. Quixo o Sporting pero non puido e as suas 2 únicas ocasións foron desbaratadas por Jonathan, unha delas, xa no último mínuto, de moito mérito.
Quedan 18 puntos en xogo e temos 4 de vantaxe sobre o segundo e 8 sobre o terceiro. Pero hai que seguir mellorando...e moito.

Este venres ás 19.45 partido entre os equipos A e B así que o entreno sustitúese polo encontro. Ás 19.00 no campo coa roupa de xogar e coa muda que vai chover e hai que ducharse.

O equipo C xoga o sábado ás 12.15 en Lalín. Ánimo.

Alevín

2011-02-16T09:59:00.003+01:00

Derrota do equipo alevín que sigue amosando moita irregularidade nos seus encontros.
Despois de caer a semana pasada diante dun rival da zona baixa como o S. Mamede por 2-5 (goles de Champi e Stagnita), esta semana o rival era o líder, a EF Lalín B que conta os seus partidos por victorias a pesar de ser un equipo de rapaces de primeiro ano.

Pois esta vez voltamos a ver a cara boa dos nosos que acabaron sucumbindo por 3-1 (Mera) pero que fixeron fronte ó lider apoiándose en Rubén na portería que cada semana que pasa amosa maiores condicións. Un espectáculo.

O vindeiro partido será o sábado ás 16.30 en San Martiño diante da EF Lalín D.

Senior

2011-02-16T09:48:00.003+01:00

Derrota do equipo senior no partido do domingo no que nos visitaba ó 3º clasificado, o Cruces.
Empezou o partido cos rapaces de David dominando pero levando o Cruces o perigo a base de rápidas contras que non conseguían rematar acabando a primeira metade co resultado inicial.

Nos segundos 45 minutos conseguimonos poñer por diante por medio dun gol de Arís. O Cruces enton colleu o control do partido e acadou o empate o rematar un rechace de Manu. Seguiron dominando e creando ocasións de gol que a nosa defensa desbarataba ou erraban no remate, tendo nós algunha contra con peligro.

Cando xa parecia que o empate ía ser o resultado final, no tempo de desconto chegou a xogada da polémica...Un tiro á porta que Manu logrou bloquear cunha gran parada, o arbitro concedeu gol, argumentando que consideraba que traspasara a liña...

E asi chegamos o final co resultado de 1 - 2.

Cadetes

2011-02-16T09:43:00.003+01:00

Un punto foi o botín que conseguiu o equipo de Patxi na visita ó campo de Figueroa.

Comezaron os nosos dominando, facéndose co balón pero sen conseguir materializar as ocasións ata que Rubén atinou coa portería contraria dando vantaxe de 0-1.
Trataba o Sporting de acadar o empate pero non creaba moito perigo na nosa portería ata que nunha xogada desgraciada na que Fabio estaba renqueante e non conseguía chegar ó balón para despexar, o Sporting anotaba o definitivo 1-1.

Non houbo tempo para máis e ó final reparto de puntos.

Infantil

2011-02-15T10:07:00.000+01:00

Malia contundencia do resultado final que nos daba os tres puntos, non foi nin moito menos o mellor partido xogado polos nosos rapaces infantiles este sábado pasado en Bertamiráns. Foi un partido no que en ningún momento se conseguiu desplegar o xogo que habitualmente se practica. Aínda así, tendo en conta esta circunstancia, o partido estuvo dominado en todo momento polo Callobre. O resultado xa se pon favorable ó pouco de empezar co primeiro gol anotado por José coa inestimable colaboración dun contrario. Seguen chegando ocasións nas que por dúas veces máis José consigue sendos goles, rematando a primeira parte con 0 a 3 para os nosos.

A segunda parte depois dunha chamada de atención de Guille no vestiario, saen ó campo con máis tensión no xogo. Siguen chegando os goles pero neste caso para os dous bandos, rematando o partido co resultado xa coñecido final de 3 a 6 para o Callobre, sendo os outros tres goles nosos materializados tamén por José.

Agora toca unha semana descafeinada de traballo para uns e de vacacións blancas para outros. Os que estades alá por Asturias que disfrutedes desta semana de neve. De seguro que voltaredes con ansias renovadas para o domingo contra o Ames intentar recuperar aqueles 3 puntos que merecidamente se levaron de San Martiño alá pola xornada 4 e que moito estamos a botar de menos.

Resultados fin de semana

2011-02-12T17:40:00.003+01:00

Senior.
Callobre - Cruces (1-2, Arís)

Xuvenil.
Callobre - Dodro (Suspendido).

Cadete.
Sp. Estrada - Callobre c.f. (1-1; Rubén)

Infantil.
Bertamiráns - Callobre c.f. (3-6; José os 6)

Alevín.
EF Lalín B - Callobre c.f. (3-1; Mera)

Benxamín.
Callobre C - Silleda B (1-5; Anxo)
Callobre B - EF Lalín A (2-8; Vitor, 2)
Sp. Estrada A - Callobre A (1-3; M. Anxo (2) e Alberto)

Resultados prebenxamíns.

2011-02-10T19:55:00.002+01:00

Prebenxamín 1º ano: San Fco. Javier - Callobre c.f. (6-0)

Prebenxamín 2º ano: San Lorenzo - Callobre c.f. (3-5)

Benxamín. Adestramento co R.C. Celta.

2011-02-10T10:11:00.004+01:00

No día de hoxe catro dos nosos rapaces benxamíns desplazaránse ata Vigo para levar a cabo un adestramento co R.C. Celta.
A principios desta semana recibiamos a chamada do club vigués comunicándonos o seu interés en que Miluco, M. Anxo e Adrián do equipo A, e Pablo do B acudisen o xoves ó cidade deportiva de A Madroa no seu primeiro contacto co equipo celeste.
Esta vez os escollidos polos técnicos do Celta foron eles pero nas vindeiras ocasións pode ser calquera outro.

O Celta pon a disposición dos rapaces un bus para realizar a viaxe.
Deixamos aquí os horarios por se algún de eles non se lembra:

17.15: En San Lázaro para coller o bus que facilita o Celta.
18.45: En A Madrora se non ides no bus.
20.15: Fin do adestramento.
22.15: Chegada do bus de novo a San Lázaro.

A disfrutar do día.

Benxamín

2011-02-10T09:46:00.002+01:00

Dúas derrotas e unha victoria foi o balance dos equipos benxamíns no pasado fin de semana.

O equipo C caía derrotado por 1-2 diante do Touro nun partido que ben puido acabar do noso lado. Anxo poñía por diante ós nosos na primeira metade pero o equipo coruñés conseguiu remontar nos últimos minutos pese ó esforzo dos nosos que non tiraron a toalla.

O equipo B perdía na visita a Lalín por tn tanteo de 5-2. Xusta derrota pero quizáis un pouco abultada para ós méritos que fixeron os nosos. Pablo e David foron os goleadores.

O equipo A goleou ó equipo dos pequenos de Lalín nun partido sen moita historia no que Alberto conseguiu 7 dos 12 tantos.

Esta semana o B e C xogan o sábado ás 11.00 en Callobre e o equipo A ás 12.30 o derbi no campo de Figueroa.

Xuvenil

2011-02-09T10:09:00.003+01:00

Importante victoria do equipo xuvenil diante do Esclavitude.
Trouxeron os rapaces de Dani 3 puntos moi valiosos da visita a Padrón pese a que esta vez non fixeron un bo partido e quizáis foi este un premio excesivo, pero tamén contan e moito.

Continuamos de segundos na clasificación pero seguindo moi de cerca ó Cordeiro. Só unha advertencia ós nosos: ollo coas tarxetas que acabarán pasando factura.

Infantil

2011-02-09T10:08:00.001+01:00

Esta décimoquinta xornada deixounos outra victoria para os nosos rapaces infantiles diante do Praiña con un resultado contundente que deixa de manifesto que os nosos foron superiores.
Xa dende os primeiros compases se veu que o Callobre era o dominador absoluto do encontro, xogando e combinando moi ben todos e cada un dos rapaces que saltaron de inicio. Gracias a ese dominio chegou o primeiro gol moi ben executado de cabeza por Rafa tras un gran centro de Calvelo. Minutos despois chega o segundo obra neste caso de José, despois de outra gran asistencia de Calvelo. Xa cando esta primeira parte expiraba chegou o terceiro para os nosos, gol perfectamente executado por Calvelo.
Na segunda parte salen os nosos rapaces xa máis relaxados sabedores que os deberes xa se atopaban prácticamente feitos. Malia a esa tranquilidade que daba o marcador, consíguense outros dous goles máis por medio de José, para deixar o marcador no 5 a 0 final.

Cadetes

2011-02-08T16:52:00.002+01:00

Derrota do equipo cadete na vistita a Cruces.
Mal partido dos rapaces de Patxi que se viron superados polo equipo cruceño nun encontro no que só Rubén amosou boa imaxe.(4-2)

Precisamente Rubén e Fon fixeron os tantos dos nosos que este sábado visitan ó Sporting en Figueroa.

Resultados fin de semana

2011-02-05T19:52:00.005+01:00

Senior.
Callobre - Deza (0-1)

Xuvenil.
Esclavitude - Callobre c.f. (2-3)

Cadete.
Cruces - Callobre c.f.(4-2; Fon e Rubén)

Infantil.
Callobre c.f. - Praíña (5-0, José (3), David e Calvelo)

Alevín.
Callobre c.f. - San Mamede (2-5)

Benxamín.
Callobre A - EF Lalín C (12-0; Alberto (7), Miluco (2), Adrián, Iván, Alejandro)
Callobre C - Touro (1-2; Anxo)
EF Lalín B - Callobre B (5-2)

Cadetes

2011-02-04T15:31:00.002+01:00

Nova victoria do equipo cadete que se desfixo do B. Arzúa por un tanteo de 2-1.
Pese á superioridade dos rapaces de Patxi non houbo variacións no resultado inicial ata a segunda metade na que Fon e Claudio por fin acertaron co marco rival.

Nos minutos finais chegou o gol da honra do equipo coruñés que apenas si dou saído do seu campo.

Este domingo visita a Cruces coa intención de dar un pasiño máis cara arriba.

Infantil

2011-02-04T10:57:00.001+01:00

Resúmese o partido disputado polos nosos rapaces infantiles en moi poucas palabras.

Dominio total do mesmo de principio a fin como quedou reflexado no marcador final. Xa dende o inicio nos facemos co partido facendo xogo combinativo e creativo que nos trae o primeiro gol cando aínda non transcurriran os tres minutos de xogo por medio de José. Seguen chegando os goles pouco a pouco por medio de Rafa, Davíd Macía en dúas ocasións e como non, José en outras tres ocasións máis, para deixar o partido co resultado xa coñecido de 1 a 7.

Benxamín

2011-02-02T10:42:00.003+01:00

Partido de poder a poder o xogado polos equipos B e C na mañán do sábado.
Comezaron adiantarse no marcador os rapaces de Xoel e Edu cun tanto de Anxo pero os nenos de primeiro ano non se viñeron abaixo e conseguiron remontar. Moita intensidade, moita disputa e gañas de vencer foron as armas dos 2 equipos pero foi finalmente o conxunto de Iago o que acabou levando os 3 puntos.

Anxo, en 2 ocasións, foi o goleador do C mentres que Pablo(2), David e Vitor fixeron os tantos do equipo B. Agora a seguir adestrando como se foramos un só equipo.

O equipo A pola súa banda derrotaba ó 4º clasificado por 1-5. Presumíase un partido complicado polos bos resultados que estaba a colleitar o Cruces contra os rivais de arriba pero xa nos primeiros 15 minutos os nosos mandaban por 0-3 pese a loita dos cruceños que non daban un balón por perdido. A partir de ahí deixámonos ir e o partido resultou un pouco máis aburrido con algún erro de bulto que non podemos cometer.
Alberto(2), Miluco, M.Anxo e Iván (incansable todo o partido subindo e baixando a banda) foron os autores dos goles.

Esta semana o equipo B desplázase ata Lalín para xogar co segundo equipo do Deza mentres que o A e o C xogan o sábado ás 17.30 horas no campo de San Martiño diante do Touro e do Lalín C. Todos a intentar sumar os 3 puntos.

Por certo que este sábado mídense no Cortizo, a EF Lalín A e o Sp. Estrada A nun partido no que se irán decidindo algunhas cousas pola parte de arriba antes do derbi en Figueroa da semana que vén.

Xuvenil.

2011-02-01T11:13:00.001+01:00

Importantísima victoria do equipo xuvenil diante do ata o pasado sábado líder, o Bertamiráns.

Chegaban os rapaces de Dani ó encontro do sábado apurando as opcións de seguir na loita pois unha derrota deixábanos algo distanciados do grupiño de cabeza.
Foi un partido moi disputado no que os nosos non concederon case opcións amosándose moi serios durante os 90 minutos.Portillo e Carlos fixeron os nosos tantos mentras o gol visitante chegaba nunha xogada desgraciada no que o balón rebotaba na barreira tras unha falta en contra.

Pero como sempre hai algunha mala nova, neste caso a lesión de Esteban cun esguince de nocello tras apoiar mal polo estado do terreo xogo...un feito que amosa con maior claridade, se cabe, a necesidade que temos do campo de herba sintética.

Este sábado desplazámonos ata o campo do Esclavitude para tratar de aproveitar o enfrontamento directo entre Cordeiro e Bertamiráns, primeiro e terceiro na clasificación.

Alevín

2011-02-01T11:03:00.000+01:00

Derrota do equipo alevín na visita a Cruces.
Mal empezou o encontro cando o equipo de Neira encaxaba o primeiro tanto no saque de centro. Sen embargo os nosos non se viñeron abaixo e conseguiron empatar o encontro.
Pero non era o día, un tanto en propia meta e un novo disparo lonxano daban vantaxe suficiente ó Cruces que acabaría facendo o 4-1 na última xogada do partido.

Nacho, como non, foi o encargo de materializar o noso tanto nun partido cun resultado final un tanto enganoso.

Fotos

2011-01-31T14:32:00.003+01:00

Como xa vai a temporada avanzando comezamos a publicación das fotos dos diferentes equipos do noso clube.

A primeira de todas é a foto do equipo benxamín que nas pasadas festas se desprazaba ata Vigo para disputar o Torneo organizado pola Fundación do R.C. Celta de Vigo

Resultados fin de semana

2011-01-29T15:30:00.003+01:00

Senior.
Santiso - Callobre c.f. (1-0)

Xuvenil.
Callobre c.f. - Bertamiráns (2-1)

Cadete.
Callobre c.f. - B. Arzúz (2-1)

Infantil.
Oroso - Callobre c.f. (1-7)

Alevín.
Cruces - Callobre c.f. (4-1)

Benxamín.
Callobre B - Callobre C (4-2; Pablo (2), David e Vitor /// Anxo (2) )
Cruces - Callobre A (1-5; Alberto (2), Miluco, M. Anxo e Iván)

Infantil

2011-01-26T23:28:00.001+01:00

Esta xornada disputada no campo de Dubra foi nefasta para os nosos intereses. O partido estivo moi igualado en todo momento por dous equipos que por algo están nos primeiros postos da clasificación, pero que estivo marcado por algún que outro fallo incomprensible que nos supuxo ir a remolque no resultado perante todo o partido. Xa dende o pitido inicial se preumía un partido moi disputado sendo o dominio algo superior pola nosa parte.
Malia ese dominio é o Dubra quen se adianta no marcador para conseguir Rafa o empate por medio de un penalti favorable. Volven a adiantarse eles por dúas veces tras sendos rechaces na nosa área, chegando ó final da primeira parte con 4 a 2 para os locais, sendo o segundo gol anotado por David Macía.
Na segunda parte o dominio noso acentúase conseguindo o terceiro gol outra vez por medio de David, gol que leva ós nosos rapaces a unhas ansias desmedidas polo empate, o cal pudo chegar en varias ocasións que non se materializaron. Xa cando o partido expiraba co noso equipo volcado na percura do ansiado empate, é o Dubra quen por medio de unha contra ben levada, consigue o quinto e definitivo gol.
Quizáis polo partido xogado polos nosos rapaces non se fora merecedor de esta abultada derrota pero, que nos sirva de precedente que dos erros e das derrotas tamén se aprende, e procurar que non se caia nos mesmos en vindeiros partidos.

Benxamín

2011-01-26T23:03:00.003+01:00

Importante victoria do equipo A na visita do Silleda.
Complicado o encontro o vivido polos nosos rapaces na mañán do sábado con pouco acerto no pase e no control. Foi sen dúbida un dos encontros máis trabados de toda a tempada no que o rival se basaba na intensidade e na forza o cal tampouco axudaba moito.
Pero un Miluco moi inspirado e autor de 2 goles e Alberto, sempre atento a todo, puxeron terra de por medio e deixaron clara a superioridade dos nosos pese o regular partido disputado.

O equipo B caeu derrotado na visita a Touro por 3-2. Un erro defensivo e a falta de definición nos primeiros minutos pesaron moito ó longo do encontro e os rapaces de Iago, a pesar dos goles de Vitor e Pablo, non puido sumar diante dun dos rivais da zona media. Pero seguimos mellorando, amosando cada vez máis cousas e con ganas de ter o balón...como a nós nos gusta.

O equipo C non puido botar unha man o equipo A e caía derrotado polo Sp. Estrada nun encontro marcado pola baixa de Alex na portería. Raúl e Anxo foron os encargados de ocupar o posto de gardamallas nun partido no que o rival non dou opcións e levou os 3 puntos sen discusión.

Este sábado ás 12.00 derbi en San Martiño entre os equipos B e C, separados por 2 puntos na clasificación.
O equipo A ten un nova dura proba na visita ó campo do Camaballón en Cruces o sábado ás 12.45.

Xuvenil

2011-01-25T16:52:00.002+01:00

Importante victoria do equipo de Dani na visita ó Val do Ulla que viña de vencer a tódolos rivais da zona alta da clasificación..
Práctico o encontro do equipo xuvenil que non veu perigar a victoria en ningún momento e que só pasou apuros nos balóns parados.
Yván, que volvía ó equipo despois de moito tempo e fixo un moi bo partido, e Xurxo foron os autores dos tantos.

Este sábado visita do Bertamiráns pola tarde en San Martiño, primeiro clasificado.Esta vez ten que ser a boa...

Novo agradecemento...e xa van varios.

2011-01-25T11:02:00.001+01:00

Non podemos ter máis que palabras de agradecemento dende o Callobre c.f. para a EF Lalín que a semana pasada voltaba a ter un bo detalle con nós na súa páxina web (www.eflalin.com) uníndose de novo á nosa causa e solicitando o apoio a tódolos seus socios, siareiros e xogadores.
E unha vez máis, teñen toda a razón: a concesión do campo de herba ó noso clube non só nos beneficia a nós... senón tamén a tódos aqueles que visitan San Martiño.

Grazas de novo.

Por certo, seguimos coa recollida de firmas.

Alevín

2011-01-25T10:41:00.006+01:00

Tras o empate da semana pasada co Touro por 3-3 (goles de Nacho, David e Migui)nun partido no que podemos decir que se escaparon 2 puntos tras ir gañando 1-3, este domingo chegaba o derbi a San Martiño.
Viña o Sp. Estrada como 3º clasificado e como o único equipo que poderia discutir o liderazgo ós 2 equipos de Lalín, pero as súas opcións escaparon no campo de terra de Callobre.
Espectacular partido dos nosos nenos, colocados en defensa, con moita intensidade, con opcións á contra e cun Rubén á portería inconmensurable...
Collemos vantaxe na primeira metade 2-0 con ambos tantos de Nacho. Intentábao o Sporting pero ahí estaba Rubén para desesperación dos amarelos chegando ó descanso 2-1. Empeza a segunda metade cun penaltie a favor dos visitantes que, como non, Rubén solventa de novo.
Sen embargo o empuxe do Sporting tivo recompensa e conseguía empatar pero co partido rematado de novo Nacho, completando un hattrick, daba os 3 puntos ós nosos con todo merecimento.
Noraboa rapaces.

Cadetes

2011-01-25T10:35:00.000+01:00

Nova victoria do equipo adestrado por Patxi no úlimo partido da primeira volta.
Moita superioridade dos nosos cadetes na primeira metade na que apenas o Belvís foi quen de facerse coa pelota. Fon, tras unha gran xogada colectiva, e Claudio cun gran remate de cabeza deron vantaxe ós nosos que se puxeron cun 2-0 que recompensaba o traballo feito ata ese momento.

Pero co partido entrando na recta final baixamos un pouco a intensidade o que aproveitou o equipo santiagués para achegarse no marcador. Finalmente os puntos quedaron na casa e voltamos a mirar cara arriba de novo.

Próximo partido o domingo ás 12.00 en San Martiño co Peña Bodegón Arzúa que non nos puido cambiar o partido para o día anterior.

Resultados fin de semana

2011-01-22T15:29:00.004+01:00

Senior.
Callobre c.f. - Camporrapado (1-0)

Xuvenil.
Val do Ulla - Callobre c.f. (0-2; Yván e Xurxo)

Cadetes.
Callobre c.f. - Belvís (2-1; Fon e Claudio)

Infantil.
Dubra - Callobre c.f. (5-3)

Alevín.
Callobre c.f. - Sp.Estrada (3-2)

Benxamín.
Callobre A - Silleda A (3-0; Miluco (2) e Alberto)
Callobre C - Sp. Estrada A (1-8; Anxo)
Touro - Callobre B (3-2; Vitor e Pablo)

Prebenxamín.
Milladoiro - Callobre c.f. (1-8; Pablo S.(3), Hugo (2) Pablo R. (2) e Iago)
S. Fco Teo - Callobre c.f. (2-2)

Benxamín

2011-01-20T10:41:00.003+01:00

Conseguiu onte recuperar o liderato o equipo A dos benxamíns tras vencer claramente ó Sp. Estrada B por 0-6 no partido aprazado da semana pasada.
Non sufriron moito os nosos rapaces nun partido no que Jonathan só tivo que facer unha parada...eso si, de moito mérito nun tiro de falta dos locais. Alberto, cun hattrick, Gus, Nico e Adrián fixeron os tantos do partido no que os nosos amosaron unha mellor cara na segunda metade, moita posesión e entradas por ambas bandas. Agora toca afrontar un mes moi duro que dirá se hai opcións ou non...

O equipo B conseguía un empate na casa co segundo equipo do Silleda. Partido moi igualado que ben puido caer do noso lado pero tamén do lado silledense. Vitor foi o autor dos tantos dos rapaces de Iago e Sergi o encargado de salvar un punto cerca do final cunha espectacular parada.
Dous equipos que para o ano estarán arriba na clasificación.

Por último, o equipo C conseguía vencer no M.A. Cortizo por un claro 0-5. Moi superiores os rapaces de Xoel e Edu ó equipo C da Escola lalinense. Anxo e Mauro en 2 ocasións, e Lucas foron os encargados de materializar algunha das ocasións dos nosos que este sábado terán unha oportunidade de botar unha man ó equipo A na visita do Sp. Estrada.

Próxima xornada:
Callobre A - Silleda A. Sábado ás 12.00 en San Martiño
Callobre C - Sp. Estrada A. Sábado ás 12.00 en San Martiño
Touro - Callobre B. Sábado ás 18.00 en Touro.

Cadetes

2011-01-19T20:41:00.003+01:00

Por fin chegou a victoria do equipo cadete que levaba varias semanas sen conseguir sumar.
4 goles de Fon, 3 de Claudio e outros tantos de Brais fixeron do encontro un paseo para os nosos que só cometeron un erro durante o encontro...pero que nos acabou costando o gol en contra.

Feliz volta de Patxi ó banco despois dunha lenta recuperación. Mandámoslle dende aquí un saúdo e unha aperta e esperamos que a súa volta sirva para que os rapaces volten coller forzas de cara a mirar de novo os postos altos da clasificación.

Infantil

2011-01-19T20:40:00.000+01:00

Se nos guiamos polo resultado final podemos ver que foi un partido con pouca historia o que disputaron os nosos rapaces infantiles este sábado pasado en San Martiño.
Xa dende o pitido inicial os nosos dominaron o partido plácidamente amosando a neta superioridade diante do antepenúltimo clasificado que non foi quen de crear unha ocasión de gol. Abreu o marcador Damián por medio de un penalti ben lanzado para posteriormente conseguir outros tres máis por medio de Nico, Rafa e Calvelo, finalizando a primeira parte con 4 a 0 para nós.
A segunda parte segue tendo a mesma tónica de dominio que nos premia con outros catro goles máis por medio de Rafa e José en 3 ocasións para cerrar o partido co contundente 8 a 0.
Agora toca traballar arreo esta semana para o vindeiro sábado rendir visita ó Dubra, equipo fuerte que nos precede na clasificación e que si saimos ó campo coa tensión que reclaman este tipo de partidos, de seguro que traemos algo positivo para Calllobre.

Resultados fin de semana

2011-01-17T10:24:00.004+01:00

Senior.
Callobre c.f. - At. Gresande (3-0)

Xuvenil.
Bandeira - Callobre c.f. (1-2; Xurxo e Portillo)

Cadete.
Victoria - Callobre c.f. (1-10)

Infantil.
Callobre c.f. - Furia At. (8-0)

Alevín.
Touro - Callobre (3-3)

Benxamín.
Sp. Estrada B - Callobre c.f. Mércores ás 18.45
Callobre B - Silleda B (2-2; os 2 de Víctor)
EF Lalín C - Callobre C (2 Mauro, 2 Anxo e Lucas)

Xuvenil

2011-01-13T12:09:00.002+01:00

Segunda derrota consecutiva do equipo xuvenil que non consigue dar o paso adiante que todos esperabamos.
Chegaba o sábado a San Martiño o líder, o Cordeiro, que acabou levando os 3 puntos por un resultado de 0-1.
De novo a falta de gol, unida as expulsións de Esteban e Martín, fixeron do partido un querer e non poder dos rapaces de Dani que pese a todo continúan nos postos altos coas opcións intactas...pero non se poden deixar escapar máis puntos.

Cadete

2011-01-13T12:00:00.003+01:00

Merecida derrota do equipo cadete diante da EF Lalín B.
Sen dúbida foi o do domingo o peor partido da tempada dos nosos cadetes que en ningún momento amosaron as gañas e o bo facer co balón cos que nos tiñan acostumados.
Comezou adiantándose o equipo lalinense con merecimento, aproveitando unha das ocasións das que dispuxo e marchando ó descanso con 0-1.
Na segunda metade Fon acadaba o empate pero foi un espexismo posto que os nosos rapaces non tiñan o día e o equipo visitante volvía facer xustiza para acabar levando os 3 puntos.
Hai que saír do bache...

Infantil.

2011-01-12T10:53:00.000+01:00

A undécima xornada deparounos un resultado final que nada ten que ver co partido que os nosos infantiles xogaron no seu desplazamento ó campo do segundo clasificado, o Bastavales.
Partido disputado en un campo que nada axudaba á práctica do fútbol polas intensas choivas caídas perante toda a noite e no transcurso do partido. Os nosos sairon ó campo coa única idea de gañar o partido, circunstancia que non se conseguiu por non acadar o ansiado gol, sobre todo no primeira parte en donde contamos con varias ocasións, que nuns casos non se materializaron e en outros polo moi bo facer do seu porteiro.
A segunda parte baixou a intensidade do mesmo, pero os nosos siguen controlando o partido pero sin crear moitas ocasións de gol. Cando o partido prácticamente expiraba, nunha xogada ben trenzada pola banda dereita, José sirve ó segundo poste en donde Calvelo remacha o gol a placer. Este gol que prácticamente nos supoñía os 3 valiosos puntos en xogo, non foi máis que unha corta ilusión pois na xogada seguinte xa co tempo cumplido, por medio de un disparo lonxano consiguen o inmerecido empate final.

O positivo é que cada partido que pasa o equipo vaise afianzando máis, formando un bloque moi compacto e moi difícil para os equipos contrarios. Vamos a ter esperanza nestes rapaces, pois os resultados de seguro que nos van a acompañar no futuro.
Destacar o debut do novo fichaxe David Mecía, rapaz que nos amosou boas maneiras e que co paso dos partidos nos vai a aportar moito ó colectivo en esta segunda volta que está a piques de comenzar.
E como non, é de agradecer a gran acollida que todo o equipo lle dispensou a David, circunstancia que fai que a súa integración en estas escasas duas semanas sea total xa neste equipo infantil. Con detalles como este, quen sae beneficiado é o equipo e, como non o CALLOBRE C.F. en xeral.

Alevín.

2011-01-11T11:37:00.002+01:00

Empate do equipo alevín diante do Boqueixón.
Partido de poder a poder o disputado o domingo nas instalación de Camporrapado. Non tiveron demasiada sorte os rapaces de Neira que puideron traer un resultado moito máis favorable de estar acertados de cara a porta.
Comezou adiantándose o equipo local xusto o comezo do encontro pero a partir de ahí os nosos fixéronse co dominio con ocasións e presión que non se materializaba ata que David conseguía facer o tanto definitivo do empate.
Por certo que ningún dos dous equipo saiu contento coa arbitraxe...

Benxamín

2011-01-11T11:20:00.004+01:00

Victoria do equipo A diante do Silleda B, que viña de poñer en apuros tanto ó EF Lalín A(4-5) como ó Sp. Estrada(5-3), rivais dos nosos no loita polo liderato.
Pero os nosos pequenos, a pesar de ser xustos polas baixas de Gus, M. Anxo e Nico, golearon ó equipo silledense que amosou moi boas maneiras co balón, con bos regates, tirando paredes...equipo a ter en conta para vindeiras campañas.
Alberto erixiuse no protagonista do encontro marcando 5 goles dos 11 tantos do noso equipo que este fin de semana aplaza o seu partido diante do Sporting B ata o vindeiro mércores día 19 ás 18.45 horas.

Os equipos B e C pola súa banda sufrían sendas derrotas nas visitas a Figueroa e Cruces.
Os rapaces de Iago fixeron unha moi boa primeira parte aguantando ó Sporting A e sendo quen de quitarlle o balón durante moitos momentos a pesar da diferencia de corpo. Pero na segunda o equipo local aproveitaba calquera balón parado para presionar aos nosos, crear ocasións continuas e acabar levando 3 puntos. Pablo e David fixeron os tantos dos nosos benxamíns de primeiro ano.
O equipo de Xoel e Edu acusou as baixas no desplazamento ó Camballón e sufriu unha dura derrota. O mal tempo, a falta ós adestramentos durante o Nadal e a ausencia de 3 dos defensas do equipo pasou factura e o Cruces levou o partido sen apenas oposición. Lucas fixo o tanto da honra dos nosos que deben olvidar este encontro e pensar xa mesmo no seguinte.

Resultados fin de semana

2011-01-10T10:25:00.002+01:00

Senior.
Berres - Callobre c.f. (1-1)

Xuvenil
Callobre c.f.- Cordeiro (0-1)

Cadetes
Callobre c.f. - EF Lalín (1-2)

Infantil
Bastavales - Callobre c.f. (1-1; Calvelo)

Alevín
Boqueixón - Callobre c.f. (1-1)

Benxamín
Callobre A- Silleda B (11-1; Alberto (5), Iván e Miluco (2), Adrián e Xandre)
Sp. Estrada - Callobre B (10-2; David e Pablo)
Cruces - Callobre C (9-1)

Volta á competición

2011-01-06T11:26:00.004+01:00

Volve a competición despois do parón navideño.
Quen se queira acercar ata o campo de San Martiño poderá atopar fútbol en case calqueira momento do fin de semana:

Callobre A- Silleda B (Benxamín): Sábado ás 12.00
Callobre - Cordeiro (Xuvenil): Sábado ás 16:00
Callobre - EF Lalín B (Cadete): Domingo ás 12:00

Polo que respecta ós equipos que actuarán de visitantes estos serán os encontros a disputar:

Sp. Estrada - Callobre B (Benxamín): Sábado ás 15.30
Cruces - Callobre C (Benxamín): Sábado ás 10.45
Bastavales - Callobre (Infantil)
Boqueixón - Callobre (Alevín)
Berres - Callobre (Senior)

Sorte a todos.

ADESTRAMENTO BENXAMÍN ALEVÍN.

2010-12-28T12:00:00.002+01:00

Comunicamos a tódolos rapaces alevíns e benxamíns que o vindeiro adestramento de estas categorías será o MERCORES 29 ás 16.00 horas no campo de herba artificial de Figueroa, para aproveitar (agora que non hai clases) as horas que nos cede o Concello porque durante o curso non podemos pedir ós nenos que falten ó colexio por adestrar no campo municipal de Figueroa...¡aínda que algún seguro que o facía!

Lémbrade:
MERCORES 29 ÁS 16.00.
CAMPO MUNICIPAL DE FIGUEROA.

Torneo Nadal.

2010-12-28T11:25:00.001+01:00

Domingo intenso de fútbol o que viviron as nosas categorías alevín e benxamín nas instalacións de A Madroa no torneo de nadal organizado pola Fundación do R.C. Celta.

Os alevíns non puideron completar o pase á segunda ronda pese a comezar o torneo con victoria por 1-0 diante de La Base. Sen embargo, o grupo resultou ser un dos máis complicados e no segundo e terceiro encontro os nosos acabaron sendo derrotados por 2 bos equipos, o primeiro 3-0 diante do Erizana e o último 1-5 sendo o contrario O Condado.

Pese a todo boa impresión a deixada polos rapaces de Neira que seguen amosando melloría cada semana que pasa.

O equipo benxamín completou un gran torneo só empañado pola mala sorte nas rondas eliminatorias.

Comezaron os nosos vencendo claramente por 3-0 ó equipo de Mos, bo fútbol e fácil victoria. No segundo encontro o rival era o Casablanca, e cando todo parecía feito cun 3-1 a favor, 3 minutos de falta de intensidade e o contrario conseguía empatar.
O seguinte rival era o favorito do grupo, a EF Porteiro 2000 que amosou boas maneiras e venceu 2-0 nun encontro no que os nosos repartiron os minutos entre os 15 rapaces e pese a todo non perderon a cara ó partido en ningún intre. Así que todo quedaba para o último partido, había que gañar e os nosos rapaces non deron opcións ó Independiente: 3-0 con moita superioridade, de novo tódos contaron con minutos e sen conceder ocasións.

E chegaban as eliminatorias, 8 equipos clasificados e nós entre eles. O rival de turno era o Alerta Traviesas que viña de arrasar no grupo, así que presumíase moi complicado. Pero os nosos nenos completaron un partidazo de fútbol e gañas. Alberto, ata en 3 ocasións, puido darnos vantaxe na primeira parte na que Jonathan era un espectador máis. As cousas seguiron igual na segunda metade, moita igualdade pero os nosos con certa superioridade, moitos corners a favor e nun deles balón ó pao... Pero cando parecía que chegaban os penalties, falta lonxana pegada con moita forza que se lle escapou a Jonathan das mans e 1-0 en contra máis que inxusto e partido rematado.

Sen embargo, quedamonos coa loita e compañerismo dos 15 nenos desplazados, que amosaron que os 3 equipos benxamíns compiten e reman na mesma dirección.
Noraboa ós nenos polo torneo feito. A ben seguro que algún dos nosos chamou a atención polo seu xogo...e moito.

Novo apartado

2010-12-24T16:08:00.002+01:00

Podedes ver unha novo apartado situado a carón do dos "goleadores" titulado "Por unhas instalacións dignas". Unha pequena reflexión sobre o campo de San Martiño e as necesidades dos nosos rapaces.

Un saúdo.

Feliz Nadal

2010-12-24T16:06:00.001+01:00

O Callobre c.f. quere desexar ós seus socios, xogadores e simpatizantes unhas boas festas de Nadal e unha boa entrada de ano.

Feliz Nadal a todos.

Infantil

2010-12-24T12:16:00.002+01:00

Infantil- Calo - Callobre (1 – 3)

De nada lle serviu ó Calo facernos ir a xogar na fría mañá do sábado ás nove e media, cando despois se comproba que alí non se van a xogar máis partidos en toda a mañá.
Os nosos rapaces tomaron o partido como se de unha final se tratase saindo ó campo moi mentalizados por ter enfrente un equipo que perante varias xornadas comandou a clasificación. O partido comenza con dominio dos locais que nos primeiros minutos fixeron un xogo moi vistoso e combinativo que os nosos non lograban contrarrestar, pero pouco a pouco o Callobre empeza a tomarlle o pulso e pasan a ser os claros dominadores do mesmo conseguindo José dous goles que nos dan vantaxe para ir ó vestiario con certa tranquilidade.
A segunda metade comenza coa mesma tónica, pero según van avanzando os minutos é o Calo quen se vai decidido adiante metendo ós nosos atrás, para á saida de un corner nunha das poucas ocasións que tiveron, marcan o seu gol. Esta situación trouxo certa incertidumbre ó partido pois eles siguen apretando máis mentras que os nosos son que de defenderse das súas acometidas. Xa cando o partido prácticamente expiraba, gracias a unha das poucas ocasións das que dispuxemos nesta segunda parte, José é quen de sentenciar o partido co terceiro gol facendo así xustiza ó que alí vimos.

Agora toca deixar de lado a competición, pero seguindo cos adestramentos coa mesma intensidade pois, á volta da competición temos outra saida complicada a Bastavales, en donde temos que intentar asaltar o segundo posto da clasificación, posición que ostentan eles na actualidade.

Dende aquí non queda máis que desexar un bo nadal e un 2011 de moita saude e felicidade para todos.

Infantil

2010-12-24T12:16:00.001+01:00

Infantil- Callobre - Pontecesures (7 – 2)

A novena xornada deixounos outra victoria para os nosos rapaces infantiles diante do Pontecesures con un resultado contundente que deixa de manifesto que os nosos foron superiores.
Xa dende os primeiros compases se veu que o Callobre era o dominador absoluto do encontró, xogando e combinando moi ben todos e cada un dos rapaces que saltaron de inicio. Gracias a ese dominio chegou o primeiro gol por medio de Calvelo que de un gran tiro cruzado batía ó porteiro do Pontecesures. Segue a mesma intensidade e dominio dos nosos que nos supón outros 4 goles máis de José, finalizando a primeira parte co resultado coñecido de 5 a 0.
Na segunda parte salen os nosos rapaces xa máis relaxados sabedores que os deberes xa se atopaban prácticamente feitos. Malia a esa tranquilidade que daba o marcador, nos primeiros compases deste segundo tempo anotan dous goles máis, un de José e outro de Santi que, en xogada persoal e despois de regatear a varios contrarios conseguía o seu merecido premio. O Pontecesures en dúas xogadas aisladas conseguiu os seus dous goles para cerrar o partido co definitivo 7 a 2.

Boas formas e moita motivación dos nosos rapaces as amosadas nestes dous últimos partidos, circunstancias éstas que si somos capaces de trasladar ó partido da vindeira xornada no desplazamento que temos a Calo, de seguro que redundará en algo positivo ante este equipo que precedemos na clasificación xeral.

Alevín

2010-12-23T23:41:00.002+01:00

Victoria do equipo alevín que sigue dando pasiños cara os postos altos da clasificación.

Esta vez o rival era o At. Melide que non foi quen de parar as acometidas dos nosos rapaces e acabou sucumbindo por un claro 5-2.
David, en 2 ocasión, Stagnita, Nacho e Cris foron os autores dos tantos dun partido sen moita historia no que os nenos de Neira amosaron unha boa imaxe e seguen sumando de 3 en 3.

Cadete

2010-12-21T23:32:00.003+01:00

Nova derrota do equipo cadete que ó igual que nas últimas xornadas voltou caer pola mínima.
Non fixeron os nosos mal partido, máis ben o contrario, pero a falta de acerto ante a portería contraria pesou durante todo o encontro. Precismente ahí estivo a chave do partido, mentras os nosos non conseguían facer o primeiro o noso rival conseguía poñerse por diante para acabar defendendo o resultado e levar os 3 puntos.

Non atravesamos unha boa xeira de resultados pero a impresión é boa...só falta atinar coa portería e sentenciar os partidos.

Agradecemento á EF Lalín.

2010-12-20T17:28:00.006+01:00

Aproveitando o comentario anterior dos encontros dos benxamíns queremos adicar dende aquí unhas palabras de agradecemento á EF Lalín, sen dúbida unha das referentes a nivel galego nos últimos anos, polo trato dado ós nosos, como sempre fixeron, pero máis en concreto polo acontecido no pasado fin de semana.

En primeiro lugar a adestradores, directivos, pais e xogadores dos equipos da súa Escola que se uniron á nosa "causa" para pedir o que cremos que xa deberíamos de ter, pois tal e como eles publican na súa páxina web trátase dunha "reivindicación máis que xusta": un campo acorde co número de rapaces que temos, unhas instalacións dignas para un clube que move moitos máis rapaces que 4 o 5 equipos xuntos doutras zonas que si contan con el...e do cal nós nos alegramos pero que non nos permite competir en igualdade de condicións. Seguimos coa recollida de firmas.Non pedimos un estadio que sexa a envidia de todos, pedimos igualdade de oportunidades. Seguiremos esforzándonos para que os nosos rapaces sigan contento aínda sen campo de herba sintética.
O número de nenos e nenas que adestran e compiten con nós vai en aumento cada ano, sinal de que algo se está facendo ben. Agora só lles queda os que "mandan" seguir fomentando o deporte...que de iso se trata.

E en segundo lugar polas palabras adicadas ó esforzo de tódolos que aquí estamos metidos, directiva, corpo técnico e xogadores, que son os que melloran cada día e os que sufren por non ter un campo como o de Figueroa, o de Lalín, o de Touro, o de Silleda, o de Cruces, o de Agolada, o de Melide, o de Santiso, o de Boqueixón, o de Valga... e así poderiamos seguir ata recorrer o 90 por cen dos pequenos pobos galegos, algún incluso con 2 campos pegados.

Grazas polo apoio.

Benxamín

2010-12-20T15:49:00.002+01:00

Fácil victoria dos benxamíns B diante do último clasificado, o EF Lalín C.
Os rapaces de Iago non pasaron apuros para golear ós pequenos rapaces de Lalín pese a non facer un gran encontro cun partido moi trabado. Pero non podemos ter queixa dos nosos rapaces de primeiro ano que cada semana que pasa continúan amosando que a continuidade está garantizada.
Pablo e Vitor, por partida dobre, David, María, Diego e Adrián foron os autores dos tantos.

O equipo C pola súa banda resistiu durante o primeiro tempo na visita do Silleda A. Comezaron os rapaces de Xoel e Edu adiantándose no marcador e con ocasión máis que suficientes para levar vantaxe no descanso pero non se concretaron e o equipo silledense conseguiu empatar antes do descanso. Na segunda metade o cansancion pasou factura e os visitantes fixéronse cos 3 puntos. Pero continúa mellorando o equipo...e moito.

E por último o equipo A sufriu a primeira derrota da tempada. Mala hora a escollida polos nosos pequenos para saír durmidos ó campo...
Saíu o primeiro equipo de Lalín a morder, cunha intensidade impropia destos nenos e demostrando que a base de gañas e loita pódese poñer en apuros a calquera. Así fixéronse co partido durante toda a primeira parte na que só M. Anxo daba a cara mentras Jonathan desvarataba as ocasións locais. Pero no último minuto da primeira metade unha contra moi ben levada polo seu dianteiro centro, pequeno pero espectacular, permitía os lalinenses coller vantaxe. E no minuto 1 da segunda parte novo mazazo, saque longo do porteiro local e balón que acaba na rede tras un rexeite.
A partir de ahí os nosos si se fixeron co balón, amosando algunha cousiña das que nós sabemos que teñen, pero sen concretar as ocasións. Ó final do encontro 2-0. Os nosos seguen líderes pero toca apretar os dentes e saber que non sempre toca gañar....das derrotas tamén se aprende.

Chega o parón ligueiro de Navidades pero os nosos rapaces continuarán adestrando. O vindeiro adestramento este xoves ás 17.30 en San Martiño. E o domingo a Vigo...pero haberá que seguir gañándose o posto.

2010-12-20T11:12:00.001+01:00

Senior.
Callobre c.f. - Prevediños (2-1)

Cadete.
San Marcos - Callobre c.f.(1-0)

Infantil.
Calo - Callobre c.f. (0-3; José os 3)

Alevín.
Callobre c.f.- AT. Melide (5-2)

Benxamín.
Callobre B- EF Lalín C (8-0)
Callobre C- Silleda (1-5)
EF Lalín - Callobre A (2-0)

Benxamín

2010-12-16T23:24:00.003+01:00

Vendeu cara a súa derrota o equipo B dos benxamíns diante do Cruces, 3º clasificado na liga.
Partido completo do equipo de Iago que fixeron emplearse a fondo ó equipo cruceño que non veu o partido do seu lado ata que o árbitro sinalou o final do encontro. Julián e Rafa foron os autores dos tantos nun encontro no que destacou a seguridade que David aportou á nosa defensa.Esta semana toca recibir a visita da EF Lalín C.

O equipo de Xoel e Edu conseguía os 3 puntos na visita a Figueroa. Gran partido de todo equipo que tivo en Anxo ó puntal arriba pois conseguía 4 dos 5 goles do equipo sendo Iván o autor do outro. Non perigou a victoria aínda que si houbo que apretar ata o final. Gran partido de Alex na portería.

O equipo A pola súa banda vencía a EF Lalín B por un claro 9-1. Bo partido dos nosos que fixeron da primeira parte un monólogo, moita posesión e moitas ocasións cun gran Adrián que sigue movendo o equipo como se dun cadete se tratara. Foron, sen dúbida, 25 minutos moi completos de todo o equipo benxamín que este sábado terá unha dura proba en Lalín diante do equipo A dezán. Unha victoria sería un pasiño máis na loita final polo título.

Cadete

2010-12-14T13:58:00.003+01:00

Nova derrota do equipo cadete que parece abonado ó 3-2 en contra.
Esta vez o rival era o Amio que conseguía adquirir rapidamente vantaxe no marcador poñéndose ata 0-2. Fon, antes do descanso, poñía as cousas máis apretadas para así afrontar a segunda metade con máis ánimo.

Sen embargo unha contra do equipo visitante permitíalle facer o 1-3 poñendo as cousas moi difíciles. A base de empuxo os nosos fixeron o segundo por medio de Miguel pero a pesar de intentalo non foron capaces de culminar a remontada.
Pero seguimos dando unha boa imaxe e os resultados voltarán.

Alevín

2010-12-14T13:55:00.002+01:00

Sufrida victoria do equipo alevín en Lalín(4-5).
Por 2 veces tivo o equipo de Neira que remontar 2 goles en contra pero finalmente os 3 puntos viñeron para San Martiño.

Nacho e David, por partida doble, e Manu cun gol impresionante conseguiron facer bo o empuxe dos nosos que pese a todo non fixeron un gran partido e que chegaron a ver o partido perdido por momentos.
Pero o sufrimento tivo recompensa e seguimos sumando.

CAMPUS DO CELTA

2010-12-13T23:13:00.003+01:00

Este mercores, a partires das 18.30 horas, terá lugar no campo de San Martiño a presentación do Campus de inverno que o Real Clube Celta levará a cabo nas instalacións de colexión de Lourdes.

Dous dos xogadores do primeiro plantel do equipo vigués desplazaránse ata Callobre para animar a tódolos nenos do noso clube a participar neste evento que terá lugar a finales de decembro deste ano.

Así que animamos a todos a vir á presentación, a coñecer a futbolistas profesionais e a apuntarse ó Campus que todo o que sexa adestrar será bo para os nenos e para nós.

Xuvenil

2010-12-13T14:07:00.004+01:00

Chegou a primeira derrota do equipo xuvenil que caía no campo do Bastavales por un contundente 5-0.
Non se pode poñer obxeción á derrota do equipo de Dani que acusou as baixas que arrastra dende hai varias semanas unido ó feito de que Marcos, o noso porteiro, sufre problemas de espalda que o obligaron a retirarse no descanso ocupando Alex a portería.

Mala tarde a do sábado pero como se soe decir...mellor perder un partido 5-0 que non 5 por 1-0. Agora toca xornada de descanso que esperemos sirva para ir recuperando a tódos os rapaces que xa levan de baixa bastante tempo.

Resultados fin de semana

2010-12-11T18:41:00.005+01:00

Senior
Tabeirós - Callobre c.f. (1-0)

Xuvenil
Bastavales - Callobre c.f. (5-0)

Cadete
Callobre c.f. - Amio (2-3; Fon e Miguel)

Infantil
Callobre c.f.- Pontecesures (7-2; José(5), Santi e Calvelo)

Alevín
EF Lalín - Callobre (4-5)

Benxamín
Cruces - Callobre B (3-2)
Callobre A - EF Lalín B (9-1; Iván(2),M. Anxo(2), Gus(2), Alberto(2) e Adrián)
Sp. Estrada B - Callobre C (3-5; Anxo (4) e Iván)

Infantil

2010-12-11T10:00:00.000+01:00

Pouca cousa pudo facer o Rois ante o xogo desplegado polos nosos rapaces este sábado pasado no seu propio campo.
Sairon os nosos infantiles moi motivados ó partido, seguros en defensa, dominantes e desbordantes na parcela central e moi móviles na dianteira. Gracias a este conxunto de incidencias os nosos xogadores son os donos totais do partido, materializando o primeiro gol por medio de José. Malia ter o partido bastante ben controlado, os contrarios foron quén de conseguir o empate en un balón por alto, chegando ó final da primeira parte co empate no marcador.
Na segunda parte acentúase aínda máis o dominio pola nosa parte o que nos trae ocasións de gol que unhas veces se erran e outras se materializan, chegando ó final do partido co coñecido 1 a 4 para o Callobre, sendo todos os goles anotados por José.

O que debemos de ter claro é que nos vindeiros partidos que nos toca afrontar si saimos coa mesma motivación e as mesmas ganas que as de este sábado, amosaremos ós rivais o potencial que se nos presupón, polo que non queda máis que arrimar todos o hombro en estos partidos trascendentais que se aveciñan.

Benxamín

2010-12-08T21:01:00.002+01:00

Victoria do equipo benxamín A no derbi disputado hoxe en Callobre.
Bo partido o disputado hoxe no campo de San Martiño e no que o equipo A levou os 3 puntos. A primeira ocasión do encontro foi para os nenos de Xoel e Edu que puideron adiantarse nunha internada de Anxo. Sen embargo os rapaces do A pronto lle fixeron co partido e acabaron vencendo nun choque marcado polo bo ambiente entre os rapaces.

O equipo B pola súa banda perdía diante do Silleda A por un resultado de 2-8. Non deron opción os silledenses ós nosos que a pesar de todo puideron haber aumentado o tanteo. Pablo e Vitor fixeron os tantos do equipo de Iago no que Sergi voltou a facer paradas de moito mérito.

Os nosos benxamíns seguen líderes agora con 5 puntos de vantaxe sobre o segundo. A seguir así.

Xuvenil

2010-12-07T12:40:00.002+01:00

Empate sen goles do equipo xuvenil diante dun rival directo como o Agolada.
Lástima dos 3 puntos que nos darían unha importante renda cos rivais máis próximos na clasificación.
Non foi o mellor partidos dos nosos rapaces pero apenas pasaron apuros diante dun equipo moito máis feito con rapaces casi todos de último ano. Moitas baixas no equipo de Dani e de xente importante como Esteban, Yván, Jorge, Martín, Japirro, Fita... e con 8 rapaces de primeiro ano no equipo titular, o que dá mostras de que o equipo está chamado a estar nos postos altos da clasificación cando se recuperen efectivos.

Miguel contou co ocasión máis clara nun remate de cabeza pero o balón saiu polo lateral da portería.

Cadetes

2010-12-07T12:22:00.003+01:00

Dous partidos en 2 días para o equipo cadete que só foi capaz de sumar un punto.
O domingo visitabamos ó Cía María nun partido marcado pola choiva e pola piscina na que se convertiu ó campo de As Cancelas. Falta de tensión e poucas gañas e o partido costa arriba cun 2-0 en contra e diante dun equipo que só facía perigo con balóns longos.
A segunda metade os nosos puxeron máis empeño e puideron acabar levando o partido tras os goles de John e Fon pero no que pasou factura a primeira parte de apatía.

Onte o rival de turno era o Villestro co acabamos empatando a 2-2. Melloraron os nosos con respecto o día anterior e só unha xogada moi polémica en contra impediu que os rapaces trouxeran os 3 puntos. Rubén e John marcaron os tantos visitantes nun partido igualado e disputado.

Por certo que o equipo cadete leva unhas semanas dirixido por Benito á espera da recuperación de Patxi, ó cal desexamos ver pronto de novo con nós. Un abrazo Patxi!

Resultados fin de semana

2010-12-04T18:56:00.004+01:00

Senior
Callobre c.f.- Bandeira (0-1)

Xuvenil
Callobre c.f - Agolada (0-0)

Cadete
Cia María - Callobre c.f. (3-2; Fon e John)
Villestro - Callobre c.f. (2-2; Rubén e Fon)

Infantil
Rois - Callobre c.f. (1-4; José os 4)

Alevín
Callobre c.f.- EF Lalín (0-4)

Benxamín.
Callobre C - Callobre
Callobre B - Silleda.
Mércores ás 16.00 horas os 2 partidos.

Prebenxamíns.

2010-12-03T09:19:00.003+01:00

Victoria e empate dos "pre" en Santiago.

Os pequenos de segundo ano voltaban a vencer, esta vez por 0-3, con hattrick de Rodrigo e seguen invictos e imbatidos e dando mostras do que poden chegar a facer unha vez a competición vai desenvolvéndose.

Mentres, os rapaces de 1º ano, daban a sorpresa e conseguían empatar diante do La Salle A cun marcador de 6-6, con 5 goles de Pablo Sanmartín e outro de Hugo. Sen dúbida que estos rapaciños darán moito que falar...por fútbol e por gañas.

¡A seguir así!

Alevín

2010-12-03T09:17:00.001+01:00

Victoria contundente do equipo alevín en Silleda.

David, cun hattrick, Champi, Cris e Nacho foron os autores dos goles dun equipo que pouco a pouco vai a máis e que non dou opción ó rival a meterse no partido. A única nota negativa foi o feito de ter que xogar con balóns de fútbol 11... vai sendo hora de que cambien algunhas cousas.

Silleda 1 - Callobre 6.

Xuvenil

2010-12-03T09:15:00.002+01:00

Nova victoria do equipo de Dani que vencía no dificil de campo de San Mamede por 1-2. Con este resultado os nosos seguen a comandar a taboa empatados a puntos co Cordeiro pero distanciando xa os rivais.
Non foi un partido sinxelo,as dimensións do campo non axudan e os rapaces tiveron que emplearse a fondo para traer os 3 puntos. Pero de novo a seguridade atrás foi a base do éxito e finalmente nova victoria que é o importante.

Este sábado rival complicado, o Agolada, que virá a intentar non descolgarse da cabeza.Sorte.

Benxamín

2010-12-03T09:12:00.001+01:00

Duas victorias e unha derrota no fin de semana benxamín.
O equipo A vencía 4-1 ó Touro pese a non amosar unha boa imaxe, facendo un encontro bastante frouxo. Pese a todo 3 puntos importantes que nos permiten seguir líderes en solitario.

O equipo B vencía 1-2 o Sporting B con goles de Pablo e Diego. Foron os rapaces de Iago moi superiores e só o bo facer do porteiro do Sporting impediu un resultado máis favorable. Gran partido e a seguir sumando.

O equipo C pola súa banda caía diante do EF Lalín nun encontro no que os nosos rapaces amosaron boas maneiras chegando a adiantarse no marcador pero que o equipo do Deza acabouse remontando. Bo partido e doblete para Anxo.

Os equipos benxamíns xogarán a vindeira xornada o mércores día 8 ás 16.00 horas, con derbi incluido.

Cadetes

2010-12-01T23:13:00.002+01:00

Un punto en 2 encontros é o balance do equipo cadete nas 2 derradeiras xornadas.
Primeiro diante do lider, o Campus Stellae, os nosos rapaces estiveron a punto de da-la campanada a pesar das baixas. Despois de ir vencendo 0-2 acabaron por sucumbir 3-2 nun encontro no que o árbitro influiu bastante no resultado final.

E o pasado fin de semana empate a 0-0 na casa, diante do San Mamede, nun partido trabado no que os nosos contaron coas mellores ocasións pero no que non houbo sorte e só se conseguiu sumar un punto diante doutro dos rivais de arriba.
Sen embargo, o equipo está a dar boa imaxe a pesar das múltiples baixas e a ben seguro que cando recuperemos xogadores iremos cara arriba.

Infantil

2010-11-29T23:01:00.000+01:00

O Milladoiro foi o equipo que nos visitou en San Martiño este sábado pasado traéndonos a segunda derrota da temporada. Equipo este ben estructurado con xogadores grandes no medio do campo que conectaban o xogo co dianteiro, rapáz moi rápido a quén a nosa defensa a duras penas conseguía parar.

O partido como siempre comenza con ocasións para nós, neste caso no primeiro minuto de xogo enviando José un balón ó poste cando xa todos dábamos o gol por feito. Pouco a pouco eles foron tomando o xogo e os nosos respondendo ós seus envites, conseguindo eles o seu primeiro gol por medio do dianteiro antes mencionado tras deixar atrás a toda a nosa defensa e plantarse soio ante Adrián que nada pudo facer.

A segunda parte segue a mesma tónica de xogo aínda que os nosos poñen máis empuxe, pero a diferencia de xornadas anteriores, non se crean ocasións, salvo un gran disparo de Rafa que o porteiro contrario desvaratou con unha meritoria intervención. Minutos despois consiguen eles o seu segundo gol que prácticamente deixou sentenciado o partido.

Tras o visto neste partido non queda máis que seguir traballando arreo e poñendo aínda máis entrega pola vosa parte para que en partidos sucesivos con equipos da zona alta da tabla non se deixen escapar máis puntos que poden ser vitais.

Resultados fin de semana

2010-11-29T09:58:00.003+01:00

Senior
Cruces - Callobre c.f(2-2)

Xuvenil.
San Mamede -Callobre(1-2)

Cadete.
Callobre c.f. - San Mamede(0-0)

Infantil.
Callobre - Milladoiro (0-2)

Alevín.
Silleda - Callobre c.f (1-6)

Benxamín.
Callobre A - Touro(4-1; Adrián(3) e Gus)
Lalín - Callobre C(9-2; Anxo)
Sp. Estrada B - Callobre B(1-2)

Prebenxamíns.

2010-11-26T16:22:00.004+01:00

Cun par de semanas de retraso damos conta do inicio das competición dos nosos pequenos...os prebenxamíns.De novo competindo en fútbol sala na liga que organiza cada ano a asosciación de veteranos de Santiago.
Todo un espéctaculo estos rapaces, sen dúbida, os máis agradecidos de todos pola ilusión e gañas que poñen.

Os Pre de segundo ano están dirixidos por Marcos e veñen de golear o rival de turno no primeiro encontro da competición, 7-0 co que os nosos amosan que hai mimbres....e futuro, moito futuro.

Os Pre de primeiro ano levan 2 partidos disputados e os 2 con derrota, pero non debe levar a engano...algúns dos rapaces que ali compiten non contan coa idade pois son, como se di agora, "minis"(nados no 2005)e espectáculo dan de sobra. Os seus adestradores, Esteban e Rubi, dan boa fe de isto. Recomendamos ir a velos, xa sexa adestrar ou xogar...

Xuvenil

2010-11-26T16:18:00.002+01:00

Victoria do equipo xuvenil no encontro do pasado fin de semana diante do Cruces
Merecida victoria dos rapaces de Dani que pese a ser superiores non conseguiron adiantarse ata a segunda metade na que Alex, de cabeza tras unha boa xogada de equipo, e Miguel facían xustiza e daban os 3 puntos ós nosos.
Durante a primeira parte xa houbera opcións de poñerse por diante pero nin Fita nin Alex conseguiran acertar coa portería.

Coliderato para o noso equipo xuvenil que este sábado visita ó San Mamede, un campo onde nunca nos resulta doado puntuar.